إكستنشن لـ VS Code يجمع لك دوال فريمويركات فايف ام كلها في مكان واحد، وأنت تكتب يطلع لك الاقتراح والشرح والباراميترات — بدون ما تفتح الدوكيومنتيشن ولا تروح تدوّر في qb-core وش اسم الدالة بالضبط.

يدعم ثلاث فريمويركات — QBCore و Qbox (qbx_core) و ESX — وخمسة موارد تستخدمها كل يوم: ox_lib و ox_inventory و qb-target و qb-menu و qb-inventory. وتجي معه دوال فايف ام الأصلية (natives).

وش يسوي بالضبط

عدد الدوال المغطّاة الحين: ‏١١٠٢ دالة و ‏٢٠٣ صنف — بدون احتساب الـ natives.

وش يدعم بالتفصيل

QBCore — ‏١٤٤ دالة

كائن اللاعب موصول تلقائيًا — أول ما تكتب:

Qbox — ‏١٣٦ دالة و ‏٤٦ صنف

Qbox هو الأغنى بالأنواع — الأصناف والقوائم المحدودة محمّلة كلها، فلو كتبت نوع إشعار غلط ينبّهك قبل ما تشغّل السيرفر:

ESX — ‏٣٤٣ دالة و ‏٣٨ صنف

ESX أدقّ فريمويرك في توثيقه، فتجي معه أنواع كاملة مثل ESXAccount و ESXJob و ESXInventoryItem، ويمسك أخطاء حقيقية:

الموارد

مو بس الفريمويركات — الموارد اللي تقعد فيها أكثر من الفريمويرك نفسه:

ox_lib أغنى واحد فيهم من ناحية التوثيق — أغنى حتى من الفريمويركات:

ox_target غير مدعوم — يسجّل تصديراته داخل حلقة (exports(index, value)) فأسماؤها ما تنوجد إلا وقت التشغيل، ولا يمكن استخراجها من الكود.

يعرف وين مكان الكود الصح

أشهر خطأ في فايف ام كله: تنادي دالة سيرفر في ملف كلاينت. الخطأ ما يظهر إلا وقت التشغيل، وكونسول فايف ام ما يقول لك وين المشكلة.

الإكستنشن يمسكها وأنت تكتب:

وكيف يعرف إن هذا ملف كلاينت؟ يقرأ fxmanifest.lua حق المورد نفسه — نفس الملف اللي يقرأه السيرفر:

يعني الجواب مأخوذ من مصدر الحقيقة لا من تخمين أسماء المجلدات. ولو المانيفست ما ذكر الملف، يرجع للأسماء الشائعة (client/ و sv_ و *_client.lua...). والملفات المشتركة (shared_script) ما تتفحص أصلاً لأنها تشتغل على الجهتين.

الفحص يغطّي ‏٣٣٩ دالة جهتها مقطوعة. تبي تطفيه؟

التركيب

من داخل VS Code: افتح تبويب Extensions ودوّر:

ركّبه وخلاص. بيركّب معه تلقائيًا إكستنشن Lua حق sumneko لأنه هو اللي يشغّل الإكمال والتنسيق — ما تحتاج تسوي شي.

بعدها افتح مجلد سيرفرك أو مجلد السكربت (أي مجلد فيه fxmanifest.lua) والإكستنشن يشتغل لحاله.

كيف يعرف أي فريمويرك عندك

يشوف الموارد الموجودة في المجلد المفتوح:

كل واحد يُكتشف لحاله — يعني لو سيرفرك QBCore + ox_lib، تجيك تعريفات الاثنين بس، بدون ضجيج ESX ولا Qbox.

ولو ما لقى ولا واحد، يحمّلها كلها عشان ما تقعد بلا إكمال.

تبي تختار بنفسك؟ من الإعدادات:

وفيه أمر جاهز من لوحة الأوامر (Ctrl+Shift+P):

من وين جايّة التعريفات

مو مكتوبة بالإيد — تتسحب من مستودعات الفريمويركات الرسمية نفسها، وتتولّد منها ملفات تعريف يفهمها Lua Language Server:

يعني لمن يطلع تحديث لأي فريمويرك، تحديث التعريفات أمر واحد:

وبعده تتأكد إن كل شي طلع سليم:

المتطلبات

VS Code إصدار 1.80 أو أحدث — وبس. الباقي يتركّب معه تلقائيًا:

يعني تركيب واحد يعطيك: الفريمويركات + الـ natives + التنسيق.

ملاحظات

• الإكستنشن ما يغيّر إعداداتك إلا شيئين: يضيف مسار التعريفات لـ Lua.workspace.library، ويخلي Lua.runtime.version على LuaJIT لأن هذا اللي يشغّله فايف ام فعليًا.
• ما يفتح اتصال شبكة، وما يشغّل عمليات، وما يقرأ ملفاتك. ملفات التعريف موسومة ---@meta يعني تُقرأ كأنواع ولا تُنفَّذ أبدًا.

المطوّر

العذلوي — مطوّر سكربتات وسيرفرات فايف ام · athlawi.vercel.app

سويت هذا الإكستنشن لأني أشتغل على أكثر من سيرفر وكل واحد على فريمويرك مختلف، وتعبت وأنا أفتح مجلد qb-core و es_extended كل شوي أدوّر اسم دالة أو ترتيب باراميتراتها. صار عندي فأحببت أنشره لغيري.

لقيت خطأ في التعريفات؟ أو تبي فريمويرك ثاني يتدعّم؟ افتح Issue وأشوفها.